الساليزون الحادق يلا ادخلى بسرعة مستنية ايه؟؟؟؟

ازيكم يا احلى بنات فى الدنيا يارب تكونوا بخير انا طبعا عارفة انكوا بتحبوا تقفوا فى المطبخ و تخترعوا و عايزين تعرفوا كل وصفات الطبخ و خصوصا الحاجات البسيطة التسالى يعنى و عشان كدة انا جبتلكم طريقة عمل الساليزون الحادق يارب يعجبكم:

المقادير:

ا كوب دقيق

1 كوب ماء

3 بيضات كبار "بيض ابيض او احمر مش بلدي"

رشه ملح

2 كيس فانيليا

2 معلقه زبده صفره " بدرجه حراره الغرفه"

1 معلقه زيت ذره


الطريقه:

1- نجيب حله و نحط فيها الميه و الزبده و معلقه الزيت و رشه الملح .... نسيب الميه علي النار تسخن قوي و قبل ما تغلي نطفي عليها

2- نروح حاطين كبايه الدقيق علي الميه و نقلب بسرعه و كويس قوي..........و نفضل نقلبها بالمعلقه الخشب لحد ما تبقي كوره واحده.....و بعدين نسيب العجينه تبرد

3- نجيب البيض و نحط عليه الفانيليا و نضربه كويس بالشوكه

4- نحط البيض حبه حبه علي العجينه

يعني علي 3 مرات...نحط حبه و لما العجينه تشربه نحط الحبه اللي بعجهم

5- نجيب كيس حلواني و نحط فيه العجينه و نشكله علي صاج مدهون بالزيت

و نحطه في لفرن حوالي ربع ساعه و يكون الفرن سخن من حوالي 10 دقايق

علي درجه حراراه متوسطه

و لما يستوي هتلاقيه حجمه بقي الضعف

و فيه فجوه من جوا .....

نسيبه يبرد خالص

و علي ما يبرد نجهز الحشو...

الحشو:

علبه جبنه كوبايات و دي هاتبقي زي الكريمه

سوسيس مسلوق و مقطع حلقات

زتون اسود حلقات

جبنه رومي مكعبات


طريقه الحشو :

نقتح جنب واحد من الساليزونه

و نحط جواها الجبنه الكبايات

و بعين زتونه و سوسيسه

و بس و نسيبها بقي في التلاجه لحد وقت التقديم


اي سؤال انا تحت الامر....

و مستنية الردود يا قمرات admin

ميرسي

العفو يا قمر

شو حلو حبيبتى يسلمو ها الايادى