بيتزا عالسريع

ازيكم يا بنات يا حلويين يارب تكونوا بخير طبعا احنا بنبقى عايزين ناكل بيتزا لكن بنكسل عشان الطريقة بتبقى صعبة لكن بئا انا عندى طريقة سهلة خالص
شوفوا بئا:

كمية تكفي: شخصين
وقت التحضير: 5 دقائق
وقت الطهي: 20 دقيقة
المقادير: 4 شرائح توست*4 معالق صلصة*ملح وفلفل اسود*4 شرائح جبنة رومى*طمطماية كبيرة*فلفلاية كبيرة*16 زتوناية
التحضير: قطعى الطماطم شرايح مدورة..
وقطعى الفلفل برضو شرايح مدورة الطبخ: 1- جيبى طاسة كبيرة سخنى فيها كل الجبنة الرومى لغايط ما تسيح زى الموتزريلا وتنزل شوية مية..سيبها تبرد وحطيها على جنب
2- حطى على كل شريحة توست معلقة صلصة وافرديها..وبعد كدة رشى رشة ملح وفلفل اسود على كل شريحة
3- بعد ما تبرد الجبنة طلعيها بشويش عشان ما تلزقش فى الطاسة..حطى على كل توستاية شريحة جبنة رومى
4- هاتي الطماطم والفلفل ووزعيهم على التوست وحطى على كل توستاية 4 زتونات
5- وبعدين دخليهم الفرن لغاية ما تطلع ريحة البيتزا وتسيح الجبنة..وبالهنا والشفا

يارب تكون عجبتكم يلا بئا مستنية ردودكم يا قمرات
admin

تسلم ايدك والله شوقتيني اعملها وميرسي جدا يا قمر

عفوا يا حبيبتى